Petropavlda belgisiz er adam 19 jastaǵy boıjetkenge úıdiń podezinde shabýyl jasady
Petropavl qalalyq polıtsııa basqarmasynyń málimetinshe, 5 sáýir kúni polıtsııaǵa oblys ortalyǵynyń 19 jastaǵy turǵyny aryzdandy. Boıjetkenniń aıtýynsha, oǵan saǵat 20.00 shamasynda úıiniń podezinde belgisiz er adam pyshaqpen qorqytyp, shabýyldaǵan.
«Qyz alysyp, kómekke shaqyrǵan. Onyń daýsyna kórshisi shyǵyp, boıjetkendi qutqaryp qaldy. Al er adam oqıǵa ornynan qashyp ketti. Osy derekke qatysty sotqa deıingi tergeý bastaldy. Qazirgi ýaqytta kúdiktini anyqtap, ustaý maqsatynda tıisti jedel-tergeý sharalary qolǵa alyndy», - delingen habarlamada.
Bul jaıynda Petropavl turǵyndaryn eskertken jazba messendjerlerde tarady. Kúdiktiniń beınesi beınekameraǵa túsip qalǵan eken.
«Meniń qurbymnyń týysy, birinshi kýrs stýdenti. Alaıda 7-8 synyp oqýshysy sııaqty kórinedi, jasóspirim qyzdar sııaqty kıinedi. Er adam onyń podezge kirýin kútip, páter esigin kiltpen asha bastaǵanda shabýyldaǵan. Tamaǵyna pyshaq taqap, sheshindirmek bolǵan. Qyz qarsylasyp, aıǵaılap kómekke shaqyrǵan. Kórshisi shyǵyp, qutqaryp qaldy.
Osy jazbany taratyńyzdar, balalaryn baıqasyn, podezde ańdyp turyp shabýyldaıdy», - delingen jazbada.