Petropavlda belgisiz bireýler er adamǵa oq atty
PETROPAVL. QazAqparat – Petropavlda belgisiz bireýler 35 jastaǵy er adamǵa oq atty, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń habarlaýynsha, oqıǵa tamyzdyń 26-sy tańǵy saǵat 4.00-ter shamasynda bolǵan. Jedel basqarý ortalyǵyna Petropavldaǵy M.Jumabaev kóshesi, 98- úı aýlasynda atys bolyp, jaraqat alǵan er adamnyń jerde jatqandyǵy týraly habar túsken. Zardap shekken qala turǵyny oblystyq aýrýhanaǵa jetkizildi.
«Qazirgi ýaqytta jasalǵan qylmysqa qatysty jedel-izdestirý is-sharalary júrgizilýde. Zattaı aıǵaqtar izdestirilip, jınalyp jatyr. «Buzaqylyq» baby boıynsha sotqa deıingi tergeý amaldary qolǵa alyndy», - delingen habarlamada.
