Petropavlda balalarǵa arnalǵan shuǵyl hırýrgııa ortalyǵy ashyldy
Soltústik Qazaqstan oblystyq kópbeıindi balalar aýrýhanasynda búgin shuǵyl hırýrgııa ortalyǵy ashyldy. Halyqaralyq standarttarǵa saı jabdyqtalǵan bólimshelerde jylyna 3 myńǵa jýyq ota jasalmaq.
Petropavldaǵy balalarǵa arnalǵan shuǵyl hırýrgııa ortalyǵy «Sábı» qaıyrymdylyq qorynyń qarajatyna ashylǵan. Osy maqsatqa 335 mln teńge jumsaldy.
«Bul ortalyqta biregeı otalardy jasaýǵa múmkindik bar. Jańa operatsııalyq bólmeler medıtsınalyq tehnıkanyń sońǵy nusqasy boıynsha jabdyqtaldy, onda ottegi aǵyny, temperatýra, ylǵaldylyq jáne taǵy basqa kórsetkishter retteledi, aýrýhanaishilik ınfektsııa múmkindigi barynsha azaıady. Medıtsınalyq gazdardy jetkizý, elektr berý óte yńǵaıly tásildermen qamtamasyz etilgen», - deıdi ortalyqtyń ashylý saltanatyna arnaıy kelgen qaıyrymdylyq qorynyń dırektory Ásel Tasmaǵambetova.
SQO-da 130 myńnan astam kámelet jasyna tolmaǵan turǵyn bar. Bul jerde qala jáne oblys balalaryna tıisti medıtsınalyq kómek kórsetilmek.
