Petropavlda balalar emhanasynyń bas dárigeri týystaryn jumysqa zańsyz ornalastyrǵan
PETROPAVL. QazAqparat - 17 aqpanda QR Memleketttik qyzmet isteri jáne sybaılas jemqorlyqpen kúres agenttiginiń Soltústik Qazaqstan oblysy boıynsha basshysynyń orynbasary - tártiptik keńestik tóraǵasy Ádilbek Muqashevtiń tóraǵalyǵymen tártiptik keńestiń kezekti otyrysy ótti, dep habarlady vedomstvonyń baspasóz qyzmeti.
«Prokýratýranyń usynysymen qalalyq balalar emhanasy bas dárigerine qatysty sybaılas jemqorlyq tártiptik isi qaraldy, ol sybaılas jemqorlyqqa qarsy belgilengen zańnamalardaǵy shekteýler men tyıym salýlarǵa qaramastan, óziniń qyzmet babyn paıdalanyp, jumysqa qabyldaýda biliktilik talaptaryna sáıkes emes óziniń týystaryna zańsyz basymdyq bergen. Іsti qaraý qorytyndysymen sybaılas jemqorlyqqa jol bergeni úshin ony jumystan bosatý jóninde usynba qabyldandy», - delingen habarlamada.
Kún tártibinde barlyǵy sybaılas jemqorlyq quqyq buzýshylyǵyn jasaǵany jáne memlekettik qyzmetshiniń Ar-namys kodeksin buzǵany úshin 5 tártiptik is qaraldy. Eki laýazymdy tulǵalarǵa qatysty tártiptik is qysqartyldy, bir is jaýapker adamnyń eńbekke jaramsyzdyǵyna baılanysty toqtatyldy.
