Petropavlda baǵyttyq avtobýs pen jeńil kólik soqtyǵysyp, eki adam zardap shekti

PETROPAVL. KAZINFORM — Petropavldaǵy jol-kólik oqıǵasynda jaraqat alǵandardyń biri jedel túrde kópsalaly qalalyq aýrýhanaǵa jatqyzyldy. 

Soltústik Qazaqstan oblystyq polıtsııa departamenti baspasóz qyzmetiniń málimetinshe, oqıǵa búgin tańǵy saǵat 8:00 shamasynda bolǵan. Petropavldaǵy Partızan kóshesinde «Lada Granta» jeńil avtokóligi men «Yutong» markaly marshrýttyq avtobýs soqtyǵysty.

Saldarynan «Lada Granta» jeńil kóliginiń 30 jastaǵy júrgizýshisi aýyr jaraqat alyp, jedel túrde kópsalaly qalalyq aýrýhanaǵa jetkizildi. Dárigerler onyń jambas súıegi synǵanyn anyqtap, jaǵdaıyn ortasha aýyr dep baǵalady.

Posmotret etý pýblıkatsııý v Instagram

Pýblıkatsııa ot PETROPAVLOVSK KAZAHSTAN ❤ SKO (@skopetro)

Sondaı-aq, avtobýs jolaýshylarynyń birine medıtsınalyq kómek qajet boldy. Oǵan sol jerde tıisti em-dom jasalyp, úıine jiberildi.

Aldyn ala málimet boıynsha, eki júrgizýshi de ishimdik ishpegen.

Polıtseıler qazirgi ýaqytta jol-kólik oqıǵasyna qatysty materıaldar jınap, tekseris júrgizip jatyr. 

Buǵan deıin Almatyda júrgizýshi kórshisin kólikpen ádeıi qaqqanyn jazǵan edik.