Petropavlda Azııa chempıonyn avtobýs qaǵyp, mert qyldy
PETROPAVL. QazAqparat - Petropavlda ziltemirdi shalqalaı jatyp kóterý (klassıkalyq túri) sportynan Azııa chempıony Vıktorııa Shestopalova qaza tapty, dep habarlaıdy QazAqparat tilshisi.
Bul týraly Facebook áleýmettik jelisinde oblystyq dene shynyqtyrý jáne sport basqarmasynyń basshysy Rýslan Esenalın jazdy.
«Oblystyq barlyq sport qaýymdastyqtary keremet jas sportshy - óńir men el maqtanyshynyń qaza tabýyna baılanysty qaıǵyryp, kóńil aıtady» - dep jazdy R.Esenalın.
Polıtsııa departamentiniń baspasóz qyzmeti 23 jastaǵy boıjetkenniń jol-kólik oqıǵasynan qaza tapqanyn rastady.
«21 qarashada keshki saǵat 18:00 shamasynda Petropavlda Jabaev-Chaıkovskıı kósheleriniń qıylysynda marshrýttyq avtobýs júrgizýshisi 23 jastaǵy qala turǵynyn qaǵyp ketti. Boıjetken alǵan jaraqaty saldarynan qaza tapty. Oqıǵanyń mán-jaıy anyqtalyp jatyr», - dep túsindirdi baspasóz qyzmeti.
«Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» qylmystyq baby boıynsha sotqa deıingi tergeý amaldary bastaldy. Saraptama taǵaıyndaldy.
