Petropavlda Azıada alaýynyń aımaqtyq estafetasy bastaldy
PETROPAVL. 21 qańtar. QazAqparat /Sergeı Kýznetsov/ - Petropavlda búgin saǵat 12.00-de Abylaı han ordasynyń aldynda VII qysqy Azııalyq oıyndar alaýynyń estafetasy bastaldy.
Azıada alaýy Petropavlǵa Qostanaıdan keshe keshke arnaıy ushaqpen jetkizilgen bolatyn. Petropavldaǵy aımaqtyq estafeta eki baǵyt boıynsha ótedi. Abylaı han ordasynan bastalǵan estafetaǵa qatysýshylar qalanyń ortalyq kóshelerimen, Ortalyq meshittiń, oblystyq Qazaqstan halqy assambleıasy ǵımaratynyń, Maǵjan, Jambyl, Abaı jáne Pýshkın eskertkishteriniń jandarynan júgirip ótedi.
Al tústen keıin alaý «Qarasaı» stadıonymen, odan keıin «Nur Otan» partııasy fılıalynyń janymen, M.Qozybaev atyndaǵy Soltústik Qazaqstan memlekettik ýnıversıtetiniń júzý basseıni janymen, Pýshkın kóshesimen alyp ótiledi. Ári qaraı alaý N.Pogodın atyndaǵy oblystyq dramalyq teatryna jetkiziledi, sol jerde gala-kontsert ótedi.
