Petropavlda Ázerbaıjan azamaty jol apatyna túsip, aýrýhanaǵa jatqyzyldy
PETROPAVL. QazAqparat – Petropavlda Ázerbaıjan azamaty mingen kólik jol shetinde turǵan jeńil mashınalardy soǵyp, sheteldik túrli jaraqattarymen aýrýhanaǵa jetkizildi, dep habarlaıdy QazAqparat tilshisi.
Petropavl qalalyq polıtsııa basqarmasynyń málimetinshe, jol-kólik oqıǵasy búgin túnde saǵat túngi 1.30-dar shamasynda bolǵan. Petropavldaǵy J.Jabaev jáne Pıoner kósheleriniń qıylysynda Ázerbaıjan Respýblıkasynyń 55 jastaǵy azamaty «VAZ 211540» avtokóligimen jol shetinde turǵan «Lexus» jáne «Honda» mashınalaryn soqqan. Saldarynan kólik júrgizýshi túrli jaraqat alyp, oblys ortalyǵyndaǵy medıtsınalyq mekemelerdiń birine jetkizildi.
Jeńil kólik mamandandyrylǵan turaqqa qoıyldy. Jol-kólik oqıǵasyna qatysty barlyq materıaldar istiń anyq-qanyǵyna jetý jáne protsessýaldyq sheshim shyǵarý úshin Petropavl PB ákimshilik polıtsııa bólimine jiberildi.
