Petropavlda aıyppul turaǵyna qoıylǵan 5 kólik órtenip ketti
PETROPAVL. QazAqparat – Petropavlda qýraǵan qamystan shyqqan órt aıyppul turaǵyna aýysyp, saldarynan 5 jeńil kólikke zaqym keldi, dep habarlaıdy QazAqparat tilshisi.
Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, órt saǵat 16.30 shamasynda bolǵan.
«Órtenip jatqan aýmaqqa joldyń bolmaýy jáne qatty jel jaǵdaıdy qıyndatqan. Qamystan tutatanǵan órt jaqyn mańdaǵy mamandandyrylǵan aıyppul turaǵyna aýysqan. Bul nysan Petropavl qalalyq ákimdiginiń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimine qaraıdy. Turaqta turǵan 5 kólik órtenip ketti. Jalyn shamamen 3 ga aýmaqty sharpydy», - delingen habarlamada.
