Petropavlda aıtys jeńimpazyna 600 myń teńge berildi

PETROPAVL. QazAqparat - Petropavlda sońǵy 15 jylda alǵash ret respýblıkalyq aqyndar aıtysy ótti, dep habarlady «QazAqparat» HAA tilshisi oblys ákiminiń baspasóz qyzmetine silteme jasap.

Aıtys qazaqtyń birtýar jazýshysy, Soltústik Qazaqstan oblysynyń týmasy Ǵabıt Músirepovtyń 115 jyldyǵyna arnalǵan. Oǵan Qazaqstannyń 9 oblysynan kelgen 12 sýyrypsalma aqyn qatysty.
 

Bas júlde men 600 myń teńgeni halyqaralyq aqyndar aıtysynyń júldegeri, Pavlodar oblysynan kelgen Aspanbek Shuǵataev ıelendi.

1 oryn qaraǵandylyq sýyrypsalma aqyn Maqsat Aqanovqa, ekinshi oryn soltústikqazaqstandyq Muhamed Qońqaevqa berildi. Sońǵy júldeli oryn qaraǵandylyq Dıdar Qamıevke buıyrdy.

Tursynbek Kákishevtyń «Er Jánibek» halyqaralyq qoǵamdyq qorynyń arnaıy júldesin jáne 300 myń teńgeni Qyzylorda oblysynyń arýy Móldir Aıtbaı jeńip aldy.

Shyǵysqazaqstandyq Nurjan Ómirbaev M.Jumabaev aýdany ákimdiginiń arnaıy júldesine laıyq dep tanyldy. Ol 200 myń teńge kóleminde syıaqyǵa ıe boldy.