Petropavlda áıel júk kóligine soǵylyp kóz jumdy
PETROPAVL. QazAqparat – Petropavlda jaıaý júrginshi jolynan ótip bara jatqan áıeldi júk kóligi soqty, dep habarlaıdy QazAqparat tilshisi.
SQO polıtsııa departamenti baspasóz qyzmetiniń habarlaýynsha, oqys oqıǵa Petropavlda 25 qyrkúıek kúni saǵat 15.20 mınýt ketkende bolǵan. Jumysshy kentindegi Ýkraın kóshesinde jaıaý júrginshi jolynda ZIL avtokóliginiń júrgizýshisi oblys ortalyǵynyń 31 jastaǵy turǵynyn soqty. Áıel alǵan jaraqattardan sol jerde kóz jumdy.
Oqıǵaǵa qatysty sotqa deıingi tergeý bastaldy.
