Petropavlda áıel shybyn ýlaımyn dep, reanımatsııaǵa tústi

PETROPAVL. KAZINFORM — Petropavl qalalyq kóp beıindi jedel medıtsınalyq járdem aýrýhanasyna aýyr halde 57 jastaǵy áıel tústi.

Áıeldiń aıtýynsha, bir kún buryn ol qaptaǵan shybyn-masany ýlaý úshin dıhlofos shashyp, ózi sol bólmede uıyqtaýǵa jatqan. Tańerteńine ózin jaısyz sezinip, júregi aınyp, qusqan, ishi aýyryp, álsizdik paıda bolǵan. Jaǵdaıy tez nasharlap, áıel shuǵyl túrde reanımatsııaǵa jatqyzyldy.

Dárigerler oǵan «fosfororganıkalyq jáne karbamatty ınsektıtsıdterdiń ýytty áserinen ýlanǵan» dıagnozyn qoıdy. 

Mamandar áıel aǵzasyn ýytsyzdandyrý jáne ómirlik mańyzdy fýnktsııalaryn túzetý emin júrgizdi. Syrqattyń jaǵdaıy qazir turaqtandy, qazir ol terapııa bólimshesinde emdelip jatyr.

— Dıhlofos adamǵa qaýipti, onyń quramynda fosfororganıkalyq qosyndylary bar, olar ómirlik mańyzdy fermentterdiń jumysyn tejeıdi, tynys alý jáne júrek jumysyn buzady. Bul preparat ásirese balalar, qart jáne sozylmaly aýrýlary bar patsıentter úshin óte qaýipti, — deıdi dárigerler.

Dıhlofosty qaýipsiz qoldaný úshin qarapaıym erejelerdi esete ustaǵan jón. Mamandar bólmege dıhlofosty shashqannan keıin odan shyǵyp, keıin páterdi jaqsylap jeldetýge, jatyn bólmede mundaı quraldardy qoldanbaýǵa keńes beredi. Sondaı-aq balanyń qolyna túspeýi úshin ony qol jetpeıtin jerde ustaǵan jón. 

— Dıhlofos — bul jaı ǵana aerozol emes, ol óte kúshti ýlandyrǵysh zat. Nusqaýlyqty buzýdyń saldary aýyr jáne ómirge qaýipti bolýy múmkin, — deıdi dárigerler.

Buǵan deıin SQO-da kómir baǵasy ózgergenin jazǵan edik.