Petropavlda aıaldamanyń áınegin syndyrǵan buzaqy bes táýlikke qamaldy
PETROPAVL. QazAqparat – Petropavlda buzaqylyq jasaǵan 23 jastaǵy turǵynǵa ákimshilik jaza kesilip, 5 táýlikke qamaldy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, Petropavl qalasynyń 23 jastaǵy turǵyny birer apta buryn N.Nazarbaev kóshesindegi №110 úıdiń qasyndaǵy aıaldama pavılonyn syndyrǵany úshin ustalǵan. Buzaqylyq jasaǵan kezde jigit mas bolǵan. Osy derekke qatysty tártip saqshylary ákimshilik materıal jınap, isti sotqa jiberdi. Qala turǵynyna «usaq buzaqylyq jasady» degen aıyp taǵylyp, ákimshilik shara qoldanyldy. Sondaı-aq ol keltirgen shyǵynnyń ornyn toltyrady.
Jalpy jyl basynan Petropavl qalasynda buzaqylar 13 aıaldama pavılonyn syndyrǵan. Osyǵan oraı polıtseıler munyń ákimshilik zań buzýshylyq ekenin eskertip, jaza qarastyrylǵanyn aıtady. ıAǵnı 10 táýlikke deıin ákimshilik qamaýǵa alynyp nemese 5 AEK mólsherinde aıyppul tóleıdi. Oblys ortalyǵynda 4 adam jaýapqa tartyldy.
