Petropavlda aıaldamanyń áınegin shaqqan eki mas boıjetken ustaldy
PETROPAVL. QazAqparat – Petropavlda eki boıjetken spırttik ishimdik iship, kóshedegi aıaldamanyń áınegin shaǵyp tastady, dep habarlaıdy QazAqparat tilshisi.
Petropavl qalalyq polıtsııa basqarmasynyń málimetinshe, 1 qyrkúıek kúni saǵat tańǵy 5.00 shamasynda Petropavl turǵyny polıtsııaǵa habarlasyp, qurylys-ekonomıkalyq kolledjdiń mańyndaǵy áınek aıaldamany bireýlerdiń syndyrǵanyn aıtqan.
Oqıǵa ornyna jetken polıtsııa narıady buzaqylardy sol jerde ustady. Aıaldamanyń áınegin shaqqandar oblys ortalyǵynyń turǵyndary - 20 jastaǵy eki boıjetken eken. Ekeýi de mas bolǵan.
Aıtýlarynsha, ekeýiniń bireýi osylaısha bar ashýyn aıaldamadan almaq bolypty.
Osy oqıǵaǵa qatysty ákimshilik quqyq buzýshylyq týraly 434-bap - «Usaq buzaqylyq» boıynsha materıal jınaldy. Іs sotqa beriledi.
Bul bap boıynsha 5 AEK mólsherinde aıyppul nemese 10 táýlikke deıingi merzimge ákimshilik qamaqqa alý jazasy qarastyrylǵan.
