Petropavlda avtokólik júrginshiler jolaǵynda jas jigitti qaǵyp ketti
PETROPAVL. QazAqparat – Petropavlda kólik júrgizýshisi abaısyzda jaıaý ótpe joldan ótip bara jatqan 22 jastaǵy jigitti qaǵyp ketti, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, oqıǵa búgin 10 aqpan, saǵat 11.00 shamasynda bolǵan. Internatsıonal kóshesinde kele jatqan «Toyota-Chaser» avtokóliginiń júrgizýshisi júrginshiler jolaǵymen kósheni qıyp ótpek bolǵan adamdy qaǵyp ketti. Saldarynan 1998 jyly týǵan azamat túrli dene jaraqatyn alyp, oblystyq aýrýhanaǵa jetkizildi. Qazirgi tańda osy oqıǵa boıynsha materıal jınalyp jatyr.
SQO Densaýlyq saqtaý basqarmasy baspasóz qyzmetiniń málimetine súıensek, jaraqat alǵan er adam oblystyq aýrýhananyń neırohırýrgııa bólimshesine jetkizilgen. Jigittiń mıy soǵylyp, jabyq bas súıek-mı zaqymyn alǵan.
Jalpy, sońǵy úsh kúnde Petropavldaǵy №3 aýrýhananyń jaraqat bólimshesine 137 adam qaralsa, sonyń tórteýi kólik apatynda zardap shekkender.
