Petropavlda avtokólik aýdaryldy
PETROPAVL. QazAqparat - Petropavlda Koshýkov kóshesinde avtomobıl aýdarylyp qaldy, dep habarlaıdy QazAqparat tilshisi.
Akvaparktiń mańynda aýdarylǵan kóliktiń sýreti áleýmettik jelige lezde tarap ketti. Oqıǵany SQO ІІD baspasóz qyzmeti túsindirdi.
Belgili bolǵandaı, jol-kólik oqıǵasyn 46 jastaǵy Petropavl turǵyny jasaǵan.
«Ol VoIkswagen Passat kóligin júrgizip kele jatyp, rýlge ıe bola almaı, aýdarylyp qalǵan. Júrgizýshiniń aıtýynsha, ol ishimdik iship, onyń týysyna tıesili kólikti tizgindegen. Ol bıyl qańtarda sottyń sheshimimen 3 jylǵa júrgizýshi kýáliginen aıyrylǵan bolatyn», - delingen habarlamada.
Júrgizýshi medıtsınalyq tekserýden ótý úshin Petropavldaǵy oblystyq narkologııa ortalyǵyna jetkizildi.
Oqıǵa ornyna kóliktiń ıesi keldi. Avtomobıl evakýatorǵa tıelip, aıyppul turaǵyna jiberildi.
