Petropavlda avtobýsqa soǵylǵan mototsıklshi qaza tapty
PETROPAVL. QazAqparat - Petropavlda avtobýs pen mototsıkl soqtyǵysyp qaldy, dep habarlaıdy QazAqparat tilshisi.
Jumys kentindegi apattyń sýretteri áleýmettik jelidegi jergilikti paraqshalarǵa tarady. Soltústik Qazaqstan oblystyq ishki ister departamenti Ýkraınskaıa jáne Fýrmanov kósheleriniń qıylysyndaǵy kólikterdiń soǵylyp qalǵanyn rastady.
«Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý jumystary bastaldy. Birqatar saraptama taǵaıyndaldy», - dep túsindirdi baspasóz qyzmeti.
Mototsıkl júrgizýshisi aýyr jaraqattan kóz jumǵan.
Eske sala ketsek, osydan birneshe kún buryn Petropavlda joldy kesip ótpek bolǵan er adamdy kólik qaǵyp, mert qylǵan edi.
