Petropavlda avtobýs 16 jastaǵy jaıaý júrginshini qaǵyp ketti
PETROPAVL. QazAqparat - Petropavlda qoǵamdyq avtobýstyń júrgizýshisi jaıaý júrginshini qaǵyp ketti, dep habarlaıdy «QazAqparat» tilshisi.
Osy sátte qasynda ótip bara jatqan kóliktiń beınetirkeý quralyna túsip qalǵan kadrlarda adamdardyń joldan ótip bara jatqany, sol kezde olarǵa qaraı avtobýstyń júrip kele jatqany kórinip tur. Vıdeo áleýmettik jelige taraǵan.
Polıtsııa departamentiniń baspasóz qyzmetinde Mıra-ıA.Gashek kósheleriniń qıylysynda bolǵan jol-kólik apatynyń faktisin rastady.
«№ 25M baǵdarly avtobýsynyń júrgizýshisi baǵdarshamnyń qyzyl shamy jatyp turǵan sátte ótip, 16 jastaǵy jaıaý júrginshini qaǵyp ketti. Jol-kólik oqıǵasynyń faktisi Sot aldyndaǵy tergeýdiń biryńǵaı tizilimine engizilgen», - dep túsindirdi baspasóz qyzmetinen.
Dene jaraqattaryn alǵan jaıaý júrginshi oblystyq balalar aýrýhanasyna jetkizildi.
