Petropavlda aýyz sý qubyryndaǵy apat joıyldy

PETROPAVL. QazAqparat - Petropavlda sý taratqyshta bolǵan aqaý jóndeldi, dep habarlaıdy «QazAqparat» HAA tilshisi.

Keshe keshkisin 15 turǵyn úı men 4 áleýmettik nysanda sý paıda boldy.
«Saǵat 21:00-de sý berildi. Apatqa qurylys kezindegi jiberilgen kemshilik sebep bolýy múmkin», - deıdi «Qyzyljar sý» JShS bas ınjeneri Sergeı Vızerov.

Eske sala ketsek, keshe sý taratqyshta bolǵan apat saldarynan 15 kópqabatty turǵyn úıge, balalar jáne jasóspirimder shyǵarmashylyǵy oblystyq ortalyǵyna, mektep jáne ishki ister departamentine sý berý toqtatylǵan bolatyn. Sýdy der kezinde toqtatý úıler men kóshelerdi sý basýynyń aldyn aldy.

Apat qaladaǵy 6 sý taratqyshtyń birinde bolǵan. Ol byltyr «Nurly jol» baǵdarlamasyna oraı almastyrylǵan. Sergeı Vızerovtyń aıtýynsha, sý taratqyshqa 2 jyl kepildik beriledi.