Petropavlda astyrtyn kazıno jumysyna tosqaýyl qoıyldy
PETROPAVL. QazAqparat – Petropavlda zańsyz jumys istegen kazıno anyqtalyp, oblystyq ekonomıkalyq tergeý departamentiniń mamandary oıyn barysynda ústerinen tústi, dep habarlaıdy QazAqparat tilshisi.
Soltústik Qazaqstan oblystyq ekonomıkalyq tergeý departamentiniń mamandary astyrtyn kazınonyń jumysyn eki aı kóleminde baqylaýǵa alady. Zańsyz jumys istegen oıyn-saýyq orny Petropavldaǵy qonaqúılerdiń biriniń jertólesinde ornalasqan.
Kúzetshiler astyrtyn kazınoǵa tek turaqty klıentterdi ǵana kirgizip otyrypty. Arnaıy operatsııa kezinde kazınoda 22 oıynshy bolǵan. Oıyn zalynan poker ústelderi, fıshkalar, poker kartalary men bir kúndik tabys – 1 mln 270 myń teńge tárkilendi.
«Jasyryn kazıno uıymdastyrǵandardyń isi QR Qylmystyq Kodeksiniń 307 babyna qaıshy keledi. Zań boıynsha, kazıno isin belgilenbegen aımaqta ashqandarǵa 5 myń AEK, ıaǵnı 13 mln teńgeden astam aıyppul nemese 5 jylǵa deıin bas bostandyǵynan aıyrý jazasy qarastyrylǵan. Al qumar oıyndaryn oınaǵandar 200 AEK deıin aıyppul tóleıdi», - deıdi SQO ekonomıkalyq tergeý departamentiniń basqarma jetekshisi Vıktorııa Pıvovarova.
