Petropavlda áskerı qyzmetshiler avtokóliktiń júksalǵyshynan baılanǵan balalardy tapty
NUR-SULTAN.QazAqparat - QR ІІM Ulttyq gvardııasynyń 6637 áskerı bólimindegi jaýyngerler operatsııalyq jattyǵýlardan tys qoǵamdyq tártipti qorǵaýǵa qatysady. Kún saıyn 130-ǵa jýyq áskerı qyzmetshi Soltústik Qazaqstan oblysynyń ortalyǵyn kúzetedi, dep habarlaıdy Petropavlovsk.news.
Jýyrda Petropavl qalasynyń turǵyny áskerı qyzmetshilerden kishkentaı balalaryn tabýǵa kómektesýin surady. Áıel jumysyna ketkende, balalarǵa qarap qalǵan kúıeýi ishimdik iship alǵan. Keshkisin jumystan oralǵan áıel úıden kúıeýi men balalaryn tappaıdy. Kórshiles turǵyndar úıdiń artyndaǵy garajdar jaqtan balalardyń daýysyn estiginin aıtqan.
- Biz jedel izdestirý tobyn shaqyrdyq. Olar úı artyndaǵy garajdyń esigin buzyp, ondaǵy avtokólik júksalǵyshynan baılanǵan balalardy taýyp aldy. Balalardy úıine jiberip, túnniń jarymyna deıin ákelerine izdeý saldyq, - dedi komandır orynbasary aǵa leıtenant Ashat Temirhanov.
Tergeý nátıjesinde ákesi balalaryn baılap, garajǵa jasyryp, ózi ishimdik iship ketkeni anyqtaldy.
