Petropavlda ashyq jatqan káriz qudyqtary az bolmaı otyr

PETROPAVL. QazAqparat – Petropavlda «Qaýipsiz qala» respýlıkalyq aktsııasy aıasynda «JAS OTAN» Jastar qanatynyń uıymdastyrýymen ashyq jatqan káriz qudyqtaryn anyqtaý maqsatynda reıd ótti, dep habarlaıdy QazAqparat tilshisi.

«Qaýipsiz qala» respýblıkalyq aktsııasy 6 qańtar kúni el boıynsha bastaý aldy. Bul naýqannan Qyzyljar óńiri de shet qalmaı, is-sharaǵa jastardan basqa qutqarýshylar, túrli mekeme ókilderi men eriktiler – 40-qa jýyq adam qatysty.

«Petropavlda 4 baǵyt boıynsha bizdiń eriktiler, jastar reıdke shyqty. Qala kóshelerin aralap, turǵyndarǵa qaýip týdyratyn oryndardy anyqtaýdy maqsat ettik. Biz ashyq jatqan káriz qudyqtaryn taýyp, tıisti mekemelerdi habardar etemiz. Birer kún buryn áleýmettik jelilerde jazba qaldyryp, halyqty naýqanǵa belsene qatysýǵa shaqyrdyq. Turǵyndar 4 meken jaıdy kórsetip, fotolaryn saldy», - deıdi «JAS OTAN» Jastar qanaty oblystyq fılıalynyń tóraǵasy Abylaıhan Qaırollaev.

Petropavldaǵy Jambyl kóshesindegi 272 úıdiń aýlasynda káriz qudyǵy lınoleýmmen jabylǵan. Onyń ózi shirip ketken. Túngi ýaqytta abaısyzda bireý basyp ketse, jaraqattanary sózsiz. Al oblys ortalyǵyndaǵy №43 qalalyq orta mekteptiń janyndaǵy ashyq qudyqty sol jerdiń turǵyndary aǵash butalarymen belgilep qoıǵan. Biraq onyń oıyn balasyna toqtaý bolmasy anyq.

«Men kúnde bul jerden nemeremmen ótemin. Ony jalǵyz ózin mektepke jiberýge qorqamyn. Mynaý qudyq balalardyń jolynda tur. Biz ony únemi aınalyp ótemiz», - deıdi qala turǵyny Lıýbov Karımova.

Ashyq jatqan káriz qudyqtary – kóptegen qalaǵa ortaq másele. Qazan aıynyń sońynda Petropavlda qutqarýshylar ashyq qudyqqa qulaǵan 83 jastaǵy zeınetkerdi aman-esen alyp shyqqan edi.

«Qaýipsiz qala» respýblıkalyq aktsııasy 15 qańtarǵa deıin jalǵasady. Osy aralyqta jınalǵan málimet tıisti mekemelerge jiberiledi.