Petropavlda araq zaýyty jumysyn qaıta bastady

ASTANA. QazAqparat - Soltústik Qazaqstan oblysynyń ákimi Qumar Aqsaqalov jumysy qaıta jandanǵan «Petropavl araq zaýytynda» boldy. Kásiporynnyń jańa ınvestory - «Nord Food» kompanııasy. Zaýyt 1,5 aı boıy toqtap turdy. Qazir óndiris qaıta jandandy. Jańa basshylyq zaýytta jańǵyrtý jumystaryn júrgizýdi kózdep otyr. Qumar Aqsaqalov zaýyttyń jumys oryndardy kóbeıtip, jalaqyny ósirýge zor múmkindigi baryn atap ótti. Bul týraly SQO ákimi basshysynyń baspasóz qyzmetinen málim etti.

«Bul kásiporyn turaqty jumys jasaıdy dep senemiz. Zaýyttyń bolashaǵy bar. 3,1 mlrd teńge aktsızdyń qazir 2 mlrd teńgesi ǵana tólendi. Qalǵan somasy jyl aıaǵyna deıin tólenedi. Biraq bul tómendetilgen jospar. Ol kelesi jyly artýy tıis. Jańa jumys oryndaryn ashý qajet. Eńbekaqy qoryn da ulǵaıtqan abzal. Ókinishke oraı, ortasha eńbekaqy joǵary emes. Investor zaýytta jańǵyrtý jumystaryn da júrgizedi», - dedi Qumar Aqsaqalov.
 

«Petropavl araq zaýytynyń» dırektory Erkin Aıdarhanov budan bylaı kásiporyn turaqty jumys isteıdi dep sendirdi.

«Zaýyttyń aldynda turǵan bar mindetterdi oryndaımyz. Birinshiden salyq boıynsha, ekinshiden áleýmettik mindetter boıynsha jumys oryndaryn saqtaý. Sondaı-aq jańa jumys oryndaryn ashamyz», - dedi Erkin Aıdarhanov.

Qazir zaýytta 168 adam eńbek etedi.