Petropavlda araq pen konıakty qoldan jasap, satyp kelgen eki astyrtyn tseh jabyldy

PETROPAVL. QazAqparat - Petropavlda alkogol ónimin óndirgen astyrtyn tseh jabyldy, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

Soltústik Qazaqstan oblysy boıynsha ekonomıkalyq tergep-tekserý departamenti Petropavl qalasynda 5 lıtrlik plastıkalyq ydystarǵa quıylǵan alkogol sýsyndy qoldan jasaıtyn eki jasyryn tsehti japty.

Qoımalarda antısanıtarııalyq jaǵdaıda bólip quıý jáne tyǵyndaý apparatynyń kómegimen, jasandy hosh ıisterdi, boıaǵyshtardy jáne kran sýyn qoldanyp, quramynda spırti bar suıyqtyq óndirilgen. Ol «Aıdabýlskaıa» araǵy jáne «Mındalnyı» konıagy túrinde satylymǵa shyǵarylǵan.

Tergeý nátıjesinde tsehty uıymdastyrýǵa, qoldan jasalǵan ishimdikti satýǵa jáne jetkizýge qatysty adamdar anyqtaldy.

6 mekenjaı boıynsha tintý barysynda 24 bes lıtrlik plastıkalyq konteıner, 28 teksheli konteıner, 76 dana 200 lıtrlik keg jáne basqa da spırti bar ydystar tárkilendi.

Jalpy somasy 114 mln astam teńgege 40 myń lıtrden asatyn spırt tárkilendi.

Zańsyz kásipkerlik deregi boıynsha sotqa deıingi tergeý bastaldy.