Petropavlda ár úshinshi kópqabatty úıde basqarý júıesi joq

PETROPAVL. KAZINFORM – Petropavlda jylý maýsymy 30 qyrkúıekte bastalady dep josparlanǵan.

Petropavl qalasy ákimi baspasóz qyzmetiniń málimetinshe, ortalyqtandyrylǵan jylý júıesine qosylý úshin úsh kún qatarynan táýliktik ortasha aýa temperatýrasy +10°S nemese odan tómen deńgeıde bolýy tıis. Eń aldymen áleýmettik nysandar: aýrýhanalar, mektepter men balabaqshalar jylýmen qamtamasyz etiledi. Odan keıin turǵyn úılerge jylý beriledi.

Petropavlda jalpy sany 1 227 kópqabatty turǵyn úı bar. Onyń ishinde 1 184 úı ortalyqtandyrylǵan jylý júıesine qosylǵan, al 46 úı peshpen jylytylady. Tehnıkalyq qorytyndy boıynsha, 28 úı apatty jaǵdaıda dep tanylǵan.

Budan bólek 469 úıde nemese jalpy kólemniń 38% múlik ıeleri birlestigi jáne 198 úıde - 16% páter ıeleri kooperatıvi bar. 116 úı tutynýshylar kooperatıvteri arqyly basqarylady. 401 úıde basqarý formasy áli qabyldanbaǵan.

- Basqarý júıesi joq úıler negizinen eki-úsh qabatty, 30 páterden aspaıtyn shaǵyn úıler. Búgingi tańda qaladaǵy 804 kópqabatty turǵyn úı, ıaǵnı 68% tehnıkalyq turǵydan jylý qabyldaýǵa daıyn. Bul kórsetkish kún saıyn artyp keledi.

Eshkim jylýsyz qalmaıdy. Degenmen, turǵyn úılerdiń menshik ıeleri jylý júıelerin qysymmen jýyp-shaıý jumystaryn júrgizýi qajet. Petropavlda mundaı qyzmetti 7 uıym kórsetedi. Bir jylý aralastyrǵysh torabyn qysymmen tekserý quny 25 myń teńgeden bastalady, - deıdi Petropavl qalasy ákiminiń baspasóz hatshysy Tımýr Jumanov.

Buǵan deıin Qaraǵandy óńirinde qansha kómir qory bar ekenin jazǵan edik.