Petropavlda ár tórtinshi kópqabatty úı ǵana qysqa ázir
PETROPAVL. KAZINFORM – Petropavlda 1184 kópqabatty úı bolsa, sonyń tek 300-ge jýyǵy ǵana qysqa ázirlik pasportyn aldy.
Jańa jylytý maýsymynyń bastalýyna az ýaqyt qaldy. Sýyǵy toǵyz aıǵa sozylatyn óńir úshin qysqa ázirlik asa mańyzǵa ıe. Osyǵan oraı Soltústik Qaaqstan oblysynyń ákimi Ǵaýez Nurmuhambetov jylytý maýsymyna daıyndyqty pysyqtady.
- Jylytý maýsymyna daıyndyq máselesi Memleket basshysynyń erekshe baqylaýynda. Prezıdent Petropavl 2-Jylý-elektr ortalyǵyndaǵy jóndeý jumystaryn ýaqtyly aıaqtaýdy, sondaı-aq jylýmen jáne elektr energııasymen jabdyqtaý júıelerin jańǵyrtýdy qamtamasyz etýdi tapsyrdy.
Bıyl №2 týrbogregatqa jáne temirjol joldaryna kúrdeli jóndeý júrgizildi. №1 jáne №4 qazandyq agregattary, sondaı-aq №6 týrbogregat aǵymdaǵy jóndeýden ótti. Qazirgi ýaqytta №2 qazandyq agregatyn qaıta jańǵyrtý, №3 jáne №11 qazandyq agregattary men №6 týrbogregatqa kúrdeli jóndeý jáne negizgi jáne qosalqy jabdyqtardy reglamenttik jóndeý júrgizilip jatyr, - dedi SQO ákimi.
Óńir basshysynyń aıtýynsha, barlyq jumys bekitilgen kestege sáıkes júrgizilip, qazir jalpy kólemniń 60% astamy oryndaldy.
Bıyl jylytý maýsymynda jańa murja paıdalanýǵa berilmek.
Osylaısha, stantsııada qys boıy úsh murja jumys isteıdi.
- Jylytý júıelerin daıyndaýmen qatar, turǵyn úı qoryn da qysqa muqııat ázirleý qajet. Petropavl boıynsha 271 kóppáterli turǵyn úıdiń jylytý júıeleri jýylyp, qysymmen synaqtan ótti. Qala ákimine osy baǵytta baqylaýdy kúsheıtýdi tapsyrdym. Barlyq daıyndyq jumystary 15 qyrkúıekke deıin tolyq aıaqtalýy tıis, - dedi óńir basshysy.
Buǵan deıin Prezıdent Soltústik Qazaqstan oblysynyń ákimi Ǵaýez Nurmuhambetovty qabyldaǵanyn jazǵan edik.