Petropavlda alyp podshıpnıktiń músini paıda boldy
Jambyl jáne ıA.Gashek kósheleriniń qıylysynda «Indýstrııalyq Qazaqstan» atty músindik kompozıtsııa ornatyldy. Qala turǵyndary ony «alyp podshıpnık» dep atap ketti.
«Músindik kompozıtsııa qala qurylysy keńesinde bekitilgen. Bolattan jasalǵan «alyp podshıpnıkti» daıyndaýǵa 1,5 aı ýaqyt ketti. Kompozıtsııany jergilikti Muhamedıev JK ornatty», - dep baıandady Petropavl qalalyq turǵyn úı-kommýnaldyq sharýashylyq, jolaýshylar tasymaly jáne avtomobıl joldary bólimi baspasóz qyzmetinen.
Kompozıtsııa qalanyń ındýstrııalyq aımaǵynyń kireberisinde ornalasqan. Onyń bıiktigi - 16,4 metr, eni - 6,2 metr. «Indýstrııalyq Qazaqstandy» daıyndap, ornatý úshin qarajat jergilikti bıýdjetten bólindi.
Jergilikti bıliktiń aımaqtyń ındýstrııalyq sektoryn damytý jóninde aýqymdy josparlary bar. Soltústik Qazaqstan oblysynyń ákimi Qumar Aqsaqalov jınalystardyń birinde bıylǵy jyly qalanyń ónerkásip aımaǵynda qaraýsyz qalǵan birneshe kásiporyn satyp alynyp, qalpyna keltiriletinin atap ótken bolatyn.
Avtor: Olesıa Jýkoven
