Petropavlda alaıaq qyz bóten adamdardyń atynan nesıe alǵan
PETROPAVL. QazAqparat - Petropavlda birneshe adam alaıaq qyzdyń arbaýyna túsken, dep habarlaıdy QazAqparat tilshisi.
Soltústik Qazaqstan oblysy ishki ister departamenti baspasóz qyzmetiniń aqparatyna súıensek, 23 jastaǵy boıjetken ózin jelilik marketıng prıntsıpi boıynsha jumys isteıtin sheteldik kompanııanyń ókili retinde tanystyrǵan. Klıentterdiń senimine kirip, kompanııanyń yntymaqtastyq baǵdarlamasyna qatystyrý úshin olardyń jeke kýálikterin alǵan. Sóıtip jábirlenýshilerdiń jeke málimetterin paıdalanyp, olardyń atynan ınternet-bankıng arqyly nesıe rásimdegen.
«Tergeý barysynda kúdiktiniń 19 alaıaqtyq deregine qatysy bary anyqtaldy. Keltirilgen zalaldyń somasy 1 mıllıon teńgeden asady. Qazirgi kezde sotqa deıingi tergep-tekserý aıaqtalyp, is «Alaıaqtyq» babymen sotqa berildi. Osy baptyń sanktsııasy boıynsha kúdikti 4 jylǵa deıingi merzimge bas bostandyǵynan aırylýy múmkin», - deıdi ІІD baspasóz qyzmetiniń ókilderi.
SQO ІІD qylmystyq polıtsııa basqarmasynyń bastyǵy, polıtsııa polkovnıgi Petr Klımov bóten adamdarǵa eshqashan jeke qujattardy berýge bolmaıtynyn eskertedi.
ІІD ókilderiniń aıtýynsha, jyl basynan beri oblysta 266 alaıaqtyq deregi tirkelgen.
