Petropavlda alabaı ıesin qaýyp aldy
PETROPAVL. QazAqparat - Petropavl qalasynda polıtseıler qojaıyndaryna shabýyldaǵan alabaı ıtin atyp tastaýǵa májbúr boldy, dep habarlaıdy QazAqparat tilshisi.
Polıtsııa departamentiniń málimetinshe, ıt 68 jastaǵy qojaıynyn qaýyp alǵan. It ony birneshe jerinen tistep, jaraqat alǵan er adam aýrýhanaǵa jetkizildi.
Keıin belgili bolǵanyndaı, alabaı volerdiń ishinde turatyn bolǵan, al túnde ıeleri ony aýlaǵa bosatyp jiberip júrgen. Oqıǵa bolǵan kúni tańerteń áıel adam ıtti volerge kirgize almaı qoıǵan. It áıelge kónbeı, onyń ózine qarsy shabýyldap, áıelge kómekke kelgen er adamdy da tistep alǵan. Áıel polıtsııa shaqyrtqan.
«Úı ıeleriniń kórshileri tártip saqshylary kelip jetkenshe ıesin tistep jatqan ıtti sharbaqtyń ar jaǵynan aldaýǵa tyrysty. Oqıǵa ornyna kelip jetken Petropavl patrýltdik polıtsııa batalonynyń qyzmetkerleri tabeldik qarýdy qoldanýyna týra kelgen», - dep habarlady baspasóz qyzmeti.
Qala turǵynynyń shaǵymdaný faktisi boıynsha materıal jınalyp, tekseris qorytyndylary boıynsha protsessýaldyq sheshim qabyldanady.
Olesıa Jýkoven
Illıýstratsııalyq foto
