Petropavlda ákimdik kommertsııalyq maqsattaǵy jer ýchaskesin turǵyn úı salýǵa berip jibergen

ASTANA. QazAqparat - Jergilikti atqarýshy organdardyń jer zańnamasyn saqtaýyn tekserý sheńberinde Petropavl qalasynyń prokýratýrasy óreskel zań buzýshylyqtardy anyqtady, dep habarlaıdy QazAqparat.

Kommertsııalyq maqsattar úshin jer ýchaskesin berý kezinde ýákiletti organdar qoldanystaǵy erejelerdi elemeı, paıdalaný úshin berýge jatpaıtyn aýdany 0,0150 ga jer ýchaskesiniń bir bóligin zańsyz bergen.

Máselen, Petropavl qalasy prokýrorynyń aktisi boıynsha aýktsıonnan tys berilgen jalpy quny 172 mıllıon teńge bolatyn 6,8 ga jer ýchaskesi memleketke qaıtaryldy.

Anyqtalǵandaı, bul jer ýchaskesi qurylys salýshylardyń birine ákimdiktiń 2021 jylǵy maýsymdaǵy qaýlysymen kóp qabatty turǵyn úıler salý úshin konkýrstan tys ınvestıtsııalyq jáne ınnovatsııalyq jobalardy iske asyrý úshin ýaqytsha óteýli jer paıdalaný quqyǵymen berilgen.

Alaıda, memlekettik menshikten jer ýchaskelerin berý úshin ınvestıtsııalyq jobany aıqyndaý erejeleri tek 2022 jyldyń qańtarynan bastap (ıaǵnı, jer ýchaskesi berilgennen keıin 6 aıdan keıin) qoldanysqa engizildi.

Osylaısha, ınvestıtsııalyq joba múldem bolǵan joq.

Basqa jaǵdaıda, qalanyń 69 jer paıdalanýshysy tarapynan jer ýchaskelerin satyp alý-satý sharttary boıynsha somalardy tóleý boıynsha sharttyq jáne salyq mindettemelerin oryndamaý faktileri boıynsha memleket bıýdjetine 119 mln teńge óndirildi.

Oblystyń Ádep jónindegi keńesi memlekettik qyzmetke kir keltiretin teris qylyqtar jasaǵany úshin jaýapty laýazymdy adam «qyzmetke tolyq sáıkes emestigi týraly eskertý» túrinde tártiptik jaýapkershilikke tartyldy.