Petropavlda adam ólimine ákelgen jol apaty boıynsha sot bastaldy
Sottalýshy - 27 jastaǵy Ilıa Starýhın. Ol Qylmystyq kodekstiń «Kólikti basqarǵan adamnyń jol-kólik erejelerin buzyp, abaısyzda adam densaýlyǵyna ortasha zııan keltirý jáne adam ólimine sebep týǵyzý» jáne «Kólik quralyn júrgizgen adamnyń jol-kólik erejelerin buzyp, jol-kólik oqıǵasy bolǵan jerden ketip qalý» qylmystyq baptary boıynsha aıyptalyp otyr.
Sol kúni tańerteń I.Starýhın mas kúıinde kóliginiń jyldamdyǵyn asyryp, eki jaıaý júrginshini - 22 jastaǵy Tatıana Balaban men 25 jastaǵy Ksenııa Ovsıannıkovany qaǵyp ketti. Alǵan jaraqaty saldarynan Ksenııa Ovsıannıkova birneshe kúnnen soń aýrýhanada kóz jumdy.
«Starýhın jaıaý júrginshilerge kómek kórsetýge múmkindigi bolsa da, qylmystyq jaýapkershilikten qashý maqsatymen jol-kólik oqıǵasy bolǵan jerden ketip qalǵan», - dep oqydy prokýror Ashat Akın.
Sottalýshynyń ózi sol kezde mas bolǵanyn moıyndamaı otyr.
Sot otyrysynda sottalýshynyń qorǵaýshysy Konstantın Darıı jábirlenýshi Tatıana Balabannyń taraptardyń tatýlasýyna baılanysty onyń epızody boıynsha qylmystyq isti toqtatý týraly ótinishin usyndy. T.Balaban ózine qatysty materıaldyq jáne moraldyq shyǵyn tolyq ótelgenin atap ótken. Boıjetken sot zalyna kelgen joq, degenmen, sot jábirlenýshiniń kelesi sot otyrysyna qatysýyn jón dep sanady.
Qaıtys bolǵan K.Ovsıannıkovanyń 2 jasar balasynyń múddesin qorǵap júrgen burynǵy kúıeýiniń I.Starýhınge talaby joq. Onyń aıtýynsha, sottalýshynyń týystary jábirlenýshiniń qyzyna materıaldyq jáne moraldyq shyǵyndy ótep, bolashaqta kómektesýdi ýáde etti. Er adam azamattyq qýynymnan bas tartyp, Starýhınge bas bostandyǵynan aıyrý jazasymen baılanysty emes jaza berýin surady.
Alaıda K.Ovsıannıkovanyń eki týǵan ápkesi - Tatıana Popova men Lıýdmıla Volvenkonyń oıy basqa. Olar sottalýshy eń qatań jazaǵa tartylýy tıis dep sanaıdy. Olar materıaldyq shyǵyndy 984 myń teńgege, al moraldyq shyǵyndy - árqaısysyna 5 mln teńgege baǵalap otyr.
«Ksenııa dúnıege kelgende, men 9 jasta edim. Onyń tárbıesine atsalystym. Anamyz qaıtys bolǵanda, Ksenııa da 16 jasta bolǵan, ápkem ekeýimiz anasynyń ornyn bastyq. Tátemiz bizge qamqorshy boldy. Biz Ksenııany qashanda qoldap júrdik. Bul oqıǵa týraly ápkemizden estidim. Ksenııanyń sol kezde jáne sol jerde bolýy - ádetten tys jaǵdaı», - dedi T.Popova.
Sot qaıǵyly oqıǵanyń barlyq mán-jaıyn anyqtaýy tıis. Kelesi otyrys 2019 jyldyń 9 qańtarynda ótedi. Eske sala keteıik, jol-kólik oqıǵasy aǵymdaǵy jyldyń 15 qyrkúıeginde, tańǵy saǵat 4:30-da, túngi klýbtyń janynda bolǵan. «Leksýs» kóliginiń júrgizýshisi eki boıjetkendi kólikpen qaǵyp ketken. Jábirlenýshilerdiń biri birneshe kúnnen soń aýrýhanada kóz jumdy. Al júrgizýshi oqıǵa ornynan izin jasyryp, elden ketip qalǵany habarlandy. Keıin quqyq qorǵaý organdary kúdikti azamattyń tergeý oqshaýlaǵyshyna qamaýǵa alynǵany týraly habarlaǵan.
