Petropavlda adam aǵzalarynyń kórmesi ótti
PETROPAVL. QazAqparat - Petropavlda stýdentterdiń qoldan jasaǵan adam aǵzalarynyń kórmesi ótti, dep habarlaıdy QazAqparat tilshisi.
Adamnyń fızıologııasy men anatomııasyna arnalǵan jumystardy bolashaq dárigerler qolda bar zattardan jasaǵan. Olarǵa qoıylǵan talap - adam aǵzalaryn barynsha uqsas etip jasaý. Keıin stýdentterdiń jumystary oqý protsesinde qoldanylady.
«Joǵary medıtsına mektebi fakýltetiniń 1-kýrs stýdentteri qatysty. Olarǵa jyl boıy alǵan bilimderin qorytyndylaý maqsatynda adam aǵzalarynyń maketterin jasaý tapsyryldy. Eki apta ýaqyt berildi. Stýdentter tapqyrlyq kórsetip, tapsyrmany oıdaǵydaı atqardy. Sol sebepti biz kórme uıymdastyramyz dep sheshtik», - deıdi M.Qozybaev atyndaǵy Soltústik Qazaqstan memlekettik ýnıversıtettiń aǵa oqytýshysy Nazgúl Іzdenova.
Kórmege 40 maket qoıyldy. Bolashaq medıtsına qyzmetkerleri kóz, búırek, baýyrdan basqa jasýsha ishindegi membranaǵa deıin kórsetken.
«Biz 5 adamnan bólinip, bir joba alýymyz qajet boldy. Bizdiń top membrana jasaımyz dep sheshtik. Ol adam aǵzasyndaǵy jasýsha ishindegi membrana. Jumysqa karton, penoplast, tuzdalǵan qamyr qoldandyq. Bir aptanyń ishinde jasap shyqtyq bul jumysty», - deıdi 1-kýrs stýdenti Gúlim Ózbekova.
SQO-da dáriger jetispeýshiligi máselesi ózekti, qańtardyń birine deıingi resmı aqparat boıynsha óńirge 226 maman qajet. Osy túıtkildi sheshý maqsatynda byltyr alǵash ret Petropavlda joǵary medıtsına mektebi ashyldy. Túlekterge 76 oqý granty berilip, qazir 100-den asa jas bilim alyp jatyr. Munda stýdentter hırýrgııa, pedıatrııa, akýsherlik-gınekologııa jáne ishki aýrýlar jáne jalpy tájirıbedegi dáriger sekildi 5 baǵyt boıynsha oqıdy.
