Petropavlda Abylaıhannyń týy kóterildi
PETROPAVL. KAZINFORM – Qazaqstannyń memlekettik rámizderi kúni qarsańynda Petropavlda úsh júzdiń basyn qosqan Abylaı hannyń týy kóterildi.
«Abylaı han rezıdentsııasy» mýzeı kesheniniń málimetinshe, Abylaı hannyń naqty týynyń beınesi jáne naqty aqparat saqtalmaǵan. Ol týraly derekter kóp jyl boıy dıskýssııada bolyp, talqylandy. Nátıjesinde bıyl tabylǵan tarıhı derekterge súıene otyra, Shoqan Ýálıhanovtyń, belgili tarıhshy Qurbanǵalı Halıdtiń «Bes tarıh» ǵylymı eńbegine súıenip, zamanaýı tarıhshylardyń jáne Túrkistan qalasyndaǵy Abylaı jerlengen Qoja Ahmet ıAsaýı kesenesiniń ǵylymı qyzmetkerleriniń birlese talqylap, zertteý júrgizý negizinde Abylaı týynyń jınaqty beınesi bekitildi.
Osylaısha Qoja Ahmet ıAssaýı kesenesinde Táýke, Esim handardyń týymen qatar Abylaıdyń týy ornatyldy. Endi bul týdy Abylaıhan rezıdentsııasynan da kelip kórýge bolady.
«Jalpy, Joshy hannyń urpaqtary qyzyl týdy ustaǵan. Keıin Shyǵaıdyń úlken uly aq tý ustaǵan. Odan keıin Bolat han kezinde uldaryna Ábilmámbetke qyzyl tý, Abylaıǵa kók tý ustatqan. Keıin Abylaı han bolǵan kezinde osy úsh tústi biriktirip, tý qylyp ustady. Tý ortasynda Shyńǵyshannan taraǵan Shyńǵys tórelerdiń tańbasy bar, týdyń artqy jaǵynda Abylaı móri beınesi salynǵan», - deıdi «Abylaı han rezıdentsııasy» mýzeı kesheniniń bólim basshysy Álııa Mámbetalınova.
Buǵan deıin Petropavlda tasqynnan zardap shekkenderge arnap salynǵan 50 úı birer kúnde paıdalanýǵa beriletinin aıtqan edik.
