Petropavlda Abaıdyń mereıtoıyna arnalǵan kórmege balalardyń sýretteri qoıyldy
Kórmeni uıymdastyrýshylar mýzeı zaldaryna Abaıǵa jáne uly aqynnyń ómiri men shyǵarmashylyǵyna qatysty qyzyqty jádigerlerdi shoǵyrlandyrypty. Kelýshiler bul jerden álemniń túkpir-túkpirinde orna lasqan eskertkishteriniń fotolaryn kóre alady. Mýzeı qorynan Qazaqstannyń ataqty sýretshileriniń eńbekteri, gravıýralardyń kóshirmeleri shyǵaryldy. 
Sondaı-aq aqynnyń mereıtoıyna oraı 7 men 17 jas aralyǵyndaǵy balalar arasynda uıymdastyrylǵan oblystyq baıqaýdyń jeńimpazdarynyń sýretteri de kórermen nazaryna usynyldy.
Baıqaýǵa óner mektepteriniń tárbıelenýshileri qatysyp, qazylar alqasynyń nazaryna 33 eńbek usynyldy. Olardyń tórteýi úzdik dep tanyldy.
«Baıqaýdyń sharty boıynsha balalar Abaıdyń portretin salyp qana qoımaı, uly aqyn, aýdarmashy, fılosoftyń shyǵarmalaryn negizge aldy. Sýretterine ózderiniń súıikti shyǵarmalaryn arqaý etti. Balalardyń eńbegi taqyrypqa saı tańdap alyndy. Qazylar sýretterdiń mazmunyna da asa mán berdi», - deıdi beıneleý óneri murajaıynyń ǵylymı qyzmetkeri Vera Goncharova.
Kórmeniń ashylý saltanaty onlaın ótkenimen, búginde barlyq sanıtarlyq talaptardy saqtaı otyra mýzeıge kelip tamashalaýǵa múmkindik bar.