Petropavlda 90 oryndyq balabaqsha ashyldy
PETROPAVL. QazAqparat - Petropavldaǵy ıÝbıleınyı shaǵyn aýdanynda 90 orynǵa arnalǵan «Nur bala» balabaqshasy ashyldy, dep habarlaıdy «QazAqparat» HAA tilshisi.
Balabaqshada 3-6 jas aralyǵyndaǵy balalar úshin 4 top ashyldy.
«Bul shaǵyn aýdanda halyq kóp qonystanǵan. Mektepke deıingi uıym bolmady. Jalpy, Petropavlda 3-6 jas shamasyndaǵy balalardyń 99%-y mektepke deıingi tárbıemen qamtamasyz etilgen. Balabaqshadan oryn alý kezeginde 11 myń bala tur», - dedi Petropavl qalalyq bilim bólimi mektepke deıingi bilim berý sektorynyń meńgerýshisi Saıran Ispandııarova.
Balabaqshanyń ashylýyna SQO ákimi Qumar Aqsaqalov qatysty. Ol atap ótkendeı, memlekettik-jeke seriktestik aıasynda óńirde tek mektepke deıingi mekemeler emes, sondaı-aq densaýlyq saqtaý, sporttyq nysandar ashylýda.
«Nur bala» balabaqshasy «Egorovskıe sklady» JShS-men kontsessııalyq kelisimshart boıynsha salynǵan. Bul - atalmysh kompanııanyń Petropavlda salǵan ekinshi mektepke deıingi mekemesi. Bul kompanııa 2015 jyly 280 oryndyq balabaqshany qoldanysqa bergen. Kompanııanyń dırektory Garık Bernetsıan qazirgi tańda 140 oryndyq taǵy bir balabaqshanyń qurylysy júrip jatqanyn atap ótti. Ol jeltoqsan aıynda paıdalanýǵa beriledi.
