Petropavlda 8 naýryzda kópbalaly analarǵa bir rettik tólem jasalady

PETROPAVL. KAZINFORM – Halyqaralyq áıelder kúnine oraı tórt jáne odan da kóp balasy bar áıelderge Petropavlda syılyq jasalmaq. 

Петропавлда 8 наурызда көпбалалы аналарға бір реттік төлем жасалады
Фото: Астана әкімдігі

Petropavl qalalyq ákimdiginiń málimetinshe, merekege oraı beriletin birjolǵy áleýmettik tólemdi «Altyn alqa», «Kúmis alqa» ıegerleri jáne buryn «Batyr ana» ataǵyn alǵan, І jáne ІІ dárejeli «Ana dańqy» ordenderimen marapattalǵan analar jáne marapaty joq 18 jasqa deıingi balalary bar kópbalaly analar alady.

- Ereksheligi – orden, alqa ıegerlerine 10 AEK mólsherinde, ıaǵnı 39320 teńge, al basqalaryna 5 AEK mólsherinde – 20 myń teńgege jýyq áleýmettik tólem jasalady. Mundaı bir rettik kómekti Petropavlda 1,5 myń áıel almaq, - dedi Petropavl qalalyq ákimdiginde.

Esterińizge salaıyq, buǵan deıin Astanada 8 naýryz merekesine oraı 36 myń áıel adamǵa birjolǵy áleýmettik tólem beriletindigin jazdyq.

Al túrkistandyq analarǵa aýdandyq jáne qalalyq bıýdjet esebinen jalpy 63 myńnan astam adamǵa 484,8 mln teńgege jýyq qarjy qaralyp, ortasha eseppen 7864 teńgeden birjolǵy materıaldyq kómek kórsetiletindigin jazǵan bolatynbyz.

Сейчас читают