Petropavlda 8 myń saıajaı sý astynda qalýy múmkin
PETROPAVL. QazAqparat - Óńirde ótken brıfıngte SQO TJD biryńǵaı kezekshi dıspetcherlik qyzmeti basqarmasynyń bastyǵy Rústem Jumaǵulov sý tasqyny jaǵdaıy týraly málim etti, dep habarlady «QazAqparat» HAA tilshisi.
Ol Ǵ. Músirepov aýdanyndaǵy jaǵdaı turaqtalǵany týraly habarlady, turǵyndar úılerine qaıtyp jatyr. Zardap shekken úılerdi tekseretin komıssııa qurylýda.
«Jembaraq pen Sharyq ózenderi Esilge quıady. Qazgıdromet sý basqan kúni Aıyrtaý, Ǵ. Músirepov aýdandary aýmaǵynda jańbyr bir aılyq normada jaýǵan derekti rastady. Saldarynan qar kúrt erip, úılerdi sý basty», - dedi ol.
Sergeev aýdanynda sý qoımasynda sýdyń tómendegeni baıqalady. Keshe 3 metr 37 sm kóterilgeni tirkelgen. Búgin 3 metr 22 sm tómendedi. Sergeevka aýdany aýmaǵynda Esil ózeniniń sý deńgeıi tústi. Esil, Qyzyljar aýdandarynda, Petropavl qalasynda sýdyń kóterilgeni tirkeldi.
«Qazir sý Esil aýdany arqyly júredi, eki kúnnen keıin oblys ortalyǵyna jetedi. Ázirge úılerdi sý basqan joq. Sý jaıylǵan jaǵdaıda 8 myń saıajaıdy sý basýy yqtımal. Erteńnen bastap baqylaý beketi qoıylady. Evakýatsııa, jedel járdem, polıtsııa qosyndary kezekshilik etedi», - dedi Jumaǵalıev.
