Petropavlda 78 jastaǵy zeınetkerdi kólik qaǵyp ketti
PETROPAVL. QazAqparat – Petropavlda rýlde 19 jastaǵy bozbala bolǵan kólik júrginshiler ótkelinde zeınetkerdi qaǵyp ketti, dep habarlaıdy QazAqparat tilshisi.
Soltústik Qazaqstan oblysy polıtsııa departamentiniń málimetinshe, 14 mamyr saǵat 16.45 shamasynda N.Nazarbaev kóshesi boıyndaǵy № 219 úıge qarama-qarsy jolda jol-kólik oqıǵasy boldy. 19 jastaǵy bozbala «Lada Kalina» kóligimen jaıaý júrginshiler ótkelinen ótpek bolǵan 78 jastaǵy zeınetkerdi qaǵyp ketken.
Zardap shekken áıeldi jedel járdem kóligi alǵashqy medıtsınalyq kómek kórsetý jáne dıagnoz qoıý úshin Petropavldaǵy emdeý mekemeleriniń birine jetkizdi.
Osy derekke baılanysty kinálige qatysty ákimshilik quqyqbuzýshylyq boıynsha is qozǵaldy.
