Petropavlda 700 eski úı buzylady
NUR-SULTAN. QazAqparat – Petropavlda eskirgen jer úılerdi kúrep tastaý bıyl da jalǵasady, dep habarlaıdy QazAqparat.
Ortalyq kommýnıkatsııalar qyzmetinde Soltústik Qazaqstan oblysynyń ákimi Qumar Aqsaqalov osylaı málim etti.
«Óńirde jańa turǵyn úılerdiń qurylysy jaqsy qarqyn alyp keledi. 2017-2020 jyldar aralyǵynda oblys boıynsha 1 mln sharshy metrge jýyq turǵyn úı paıdalanýǵa berildi. Osy jyldar ishinde 10 myńnan astam jańa páter salynyp, 35 myń soltústikqazaqstandyq baspanaly boldy», - deıdi aımaq basshysy.
Onyń aıtýynsha, byltyr 3,3 myń páter qoldanysqa berilgen. Bıyl bul salaǵa bólinetin qarajat kólemi 50 paıyzǵa artyp otyr.
«Bıyl bul iske 27 mlrd teńge bólinip otyr. 2020 jylmen salystyrǵanda 18 mlrd teńgege nemese 50% kóp. Bul bizge 3,5 myń páter salýǵa múmkindik beredi. ıAǵnı, óńirdiń 12 myńnan astam turǵyny qonys toıyn toılaıdy. Qazir oblys ortalyǵynda 46 kóppáterli úı salynyp jatyr. Onyń 18-i jeke qurylys salýshylarǵa tıesili. 2021 jyly 28 kópqabatty úıdi qoldanysqa beremiz», - degen Qumar Aqsaqalov.
Onyń aıtýynsha, bıyl Petropavlda 700 eski jer úı kúreledi. Esesine keshendi jospar aıasynda aldaǵy 5 jyl ishinde 2,3 mln sharshy metr turǵyn úı salý josparlanǵan. Bul 21 myńnan astam páter degen sóz.
