Petropavlda 45 jastaǵy áıel besinshi qabattan qulady
PETROPAVL. QazAqparat – Petropavlda 45 jastaǵy áıel turǵyn úıdiń besinshi qabatynyń terezesinen qulady, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, oqys oqıǵa búgin, 19 mamyr kúni saǵat 12.20 shamasynda bolǵan.
Petropavldaǵy Internatsıonal kóshesi, 41 úıdiń besinshi qabatynyń terezesinen osy úıdiń 1976 jylǵy turǵyny qulady.
Áıel birinshi qabattaǵy keńselerdiń biriniń mańdaıshasyna túsken. Zardap shegýshi birden oblystyq kópbeıindi aýrýhanaǵa jetkizildi.
Qazir polıtseıler osy oqıǵanyń anyq-qanyǵyn bilip jatyr.
SQO densaýlyq saqtaý basqarmasy baspasóz qyzmetiniń málimetinshe, áıel tiri, biraq jaǵdaıy aýyr. Omyrtqasy, keýde súıegi synǵan.
Neırohırýrgııa bólimshesine jatqyzylyp, ota jasaldy.
