Petropavlda 39 jastaǵy áıel turǵyn úıdiń jetinshi qabatynan qulap ketti
PETROPAVL. KAZINFORM – Polıtseıler oqıǵanyń mán-jaıyn anyqtap jatyr.
Áleýmettik jelide oqıǵa ornynan foto tarady. Qaıǵyly jaǵdaı «Jas órken» shaǵyn aýdanynda bolǵan.
Kýágerlerdiń aıtýynsha, áıel joǵary qabattan qulaǵan. Ol jedel járdem qyzmeti kelgenge deıin kóz jumdy.
Soltústik Qazaqstan oblysy polıtsııa departamentiniń baspasóz qyzmeti osy derekke qatysty túsinik berdi.
– Petropavldaǵy Jambyl kóshesinde 39 jastaǵy áıeldiń denesi tabyldy. Aldyn ala málimetter boıynsha, onyń ólimi sýıtsıdtik sıpatta bolýy múmkin – áıel kópqabatty turǵyn úıdiń jetinshi qabatyndaǵy balkonnan qulaǵan. Oqıǵanyń mán-jaıy men sebepteri anyqtalyp jatyr, - delingen baspasóz habarlamasynda.
Buǵan deıin Petropavlda zeınetker tórtinshi qabattan qulap, mert bolǵanyn jazǵan edik. Áıel birden aýrýhanaǵa jetkizilgenimen, medıtsınalyq qyzmetkerler onyń hmirin saqtap qala almady.
Sondaı-aq Almatydaǵy turǵyn úı mańynan máıit tabylǵanyn jazdyq. Aldyn ala málimet boıynsha kóz jumǵan turaqty mekenjaıy joq adam júrek aýrýynan qaıtys bolýy múmkin.