Petropavlda 36 jastaǵy er adam bes kúnnen beri tabylmaı jatyr
PETROPAVL. QazAqparat – Petropavlda habarsyz ketken 36 jastaǵy Abzal Jaqypovke izdeý jarııalandy, dep habarlaıdy QazAqparat tilshisi.
Áleýmettik jeli arqyly volonterler Petropavl turǵyny Abzal Maraluly Jaqypovty izdep jatyr. 1985 jyly týǵan er adam 4 maýsym kúni tańǵy saǵat 4.30 shamasynda Rahımov kóshesindegi úıinen shyǵyp ketken. Sodan beri habar joq.
Er adamnyń boıy 173 sm, dembelshe kelgen, alaqanynyń qyrynda «Za PV» degen jazý jazylǵan. Sondaı-aq sol jaq qasynda bolmashy tyrtyq bar.
Sol kúni ústinde kapıýshony bar kók kúrteshe, «Adidas» jazýly, aq jolaǵy bar shalbar jáne qara aıaq kıim bolǵan. Uıaly telefonyn ózimen alyp ketken.
Habarsyz ketken jan jaıly kórgen-bilgender 8 777 307 99 65, 8 926 626 64 33 telefon nómirlerine nemese 102 jedel arnasyna habarlasa alady.
Esterińizge salaıyq, 8 mamyr kúni izdeý jarııalanǵan Sergeı Bagınskıı de ázirge tabylǵan joq. Taıynsha aýdany Kellerovka eldi mekeniniń 57 jastaǵy turǵyny habarsyz ketti.
Aıyrtaý aýdany Saýmalkól aýylynyń turǵyny Anatolıı Zarvany da izdeý jumystary nátıje bermeı jatyr. 1997 jyly týǵan jigit 15 mamyr kúni úıinen shyǵyp, sodan qaıtyp oralmady.
Habarsyz ketken jigitti izdeýge aýyldastary, volonterler jınalyp shyǵyp, polıtsııaǵa kómektesti. Olar eldi meken mańyn súzip shyqqanymen, er adamdy tabýǵa múmkindik beretin derek tabylmady.
