Petropavlda 300 oryndyq jataqhananyń qurylysy bastaldy
Soltústi Qazaqstan oblysy ákimi baspasóz qyzmetiniń málimetinshe, stýdentterge arnalǵan jańa jataqhananyń qurylysy 2020 jyldyń tamyzynda aıaqtalady. Memlekettik-jekeshelik seriktestik aıasynda turǵyzylyp jatqan nysanǵa ınvestor 750 mln teńge qarjy jumsamalady. Kásipker Denıs Bernat buǵan deıin 280 orynǵa shaqtalǵan jataqhanany paıdalanýǵa berdi. Jańa jataqhana 306 oryn bar.
«Bizge berilgen jerdi qazir qorshap jatyrmyz. Qajeti qurylys materıaldaryn ákele bastaımyz. Al jańa jyldan keıin irgetasyn qalaımyz. Aýa raıy qolaıly bolsa, kelesi jyly qyrkúıek aıynda stýdentterdi kirgizemiz. Eń bolmaǵanda Jańa jylǵa deıin salyp bitiremiz», - deıdi Denıs Bernat.
Jańa jataqhana M.Qozybaev atyndaǵy Soltústik Qazaqstan ýnıversıtetine arnalǵan. Qazir joǵary oqý ornynda 7,2 myń stýdent bilim alsa, shamamen 40% jataqhanadan oryn jetispeıdi.
«3 247 stýdentke baspana qajet, onyń 1 856-sy orynmen qamtylǵan. Al 1391 stýdentke oryn tapshy. Qamtylý 58% quraıdy. Jańa jataqhanany iske qosqan kezde bul kórsetkish 67% jetedi. Biz bul máseleni júıeli túrde sheshemiz», - dedi óńir basshysy Qumar Aqsaqalov.
Mamandardyń sózine qaraǵanda, jataqhana qonaq úı tıptes bolady. Ár bólmeniń ashanasy, sanıtarlyq toraby men jýynatyn jeri bolady. Sstýdentter aıyna 15-18 myń teńge kommýnaldyq aqy tóleıdi.
Petropavl qalasynda 2020 jyly taǵy 4 stýdentter jataqhanasy salynady dep josparlanǵan. Qajetti jer daıyn, jergilikti bılik qazir osy jobany júzege asyratyn ınvestor izdestirip jatyr.
