Petropavlda 3 kún izdeýde bolǵan oqýshy tabyldy
ASTANA. QazAqparat - Petropavl qalasynda 3 kún buryn joǵalyp ketken 7 synyptyń oqýshysy temir ótkizetin orynnan aman-esen tabyldy, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Oqýshynyń anasy úsh kúnnen keıin ǵana ulynyń iz-túzsiz joǵalyp ketkeni týraly habar bergen. Jas bala úıinen shyǵarda uıaly telefonyn almaı, eskertýsiz shyǵyp ketken.
«Ata-anasynyń aıtýynsha, bala dál bulaısha úıden eskertýsiz shyqpaǵan. Balany izdeý jumystaryna qalanyń barlyq polıtsııa qyzmeti, jol saqshylarynan bastap jasóspirimder jónindegi poltsııa qyzmetkerleriniń bári jumyldyryldy. Іzdeý jumystary kezinde qalanyń túkpir-túkpiri, jastardyń kóp júretin oryny men kompıýterlik klýbtardyń barlyǵy tekserildi», - dep habarlaıdy ІІD-nen.
Aqyry, quqyq qorǵaýshylar jas balany qalanyń 20-shaǵyn aýdanynda temir ótkizetin orynnan taýyp alǵan. Jasóspirimder isi jónindegi polıtsııa balamen jumys júrgizip, ony ata-anasyna tapsyrǵan.
