Petropavlda 3 kólik órtenip ketti
PETROPAVL. QazAqparat – Petropavlda «Mersedes» órttenip, qasynda turǵan taǵy eki kólik zaqymdandy, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, búgin saǵat 14:10-da Petropavldaǵy órt sóndirý qyzmetine Pýgachev kóshesindegi «Mersedes» kóliginiń órttenip jatqandyǵy jóninde habar túsedi. Órt sóndirýshiler jetkenshe deıin ushqyn «Mersedestiń» qasynda turǵan «Toıota» men «Mazdaǵa» túsip, úsh kólik otqa orandy.
Órt jarty saǵatyń ishinde tolyq sóndirildi. Alaıda «Mersedes» pen «Mazda» kólikteri tolyq janyp ketti. «Toıota» avtokóliginiń oń jaq beti men salonyna zaqym keldi. Mert bolǵandar men zardap shekkender joq.
Aldyn ala boljam boıynsha, kóliktiń órttenýine elektr qurylǵysyn paıdalaný kezinde órt qaýipsizdigi erejesin saqtamaý sebep bolýy múmkin.
