Petropavlda 27 jastaǵy jigit joǵalyp ketti
PETROPAVL. QazAqparat – Petropavlda eki apta buryn úıinen shyǵyp, qaıtyp oralmaǵan 27 jastaǵy jigit izdestirilip jatyr, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, Andreı Vıktorovıch Naýmenko 1993 jyly Petropavlda týǵan. Ekinshi toptaǵy múgedek. 15 maýsym kúni úıinen shyǵyp ketip, qaıtyp oralmaǵan.
Ol sol kúni sur tústi kúrteshe men shalbarda, qoıý kók tústi bas kıimde jáne qara krossovkıde bolǵan. Boıy shamamen 170 sm, aryqsha kelgen, shashy qysqa-aqshyl sary, boz kózdi, oń jaq jaǵynyń astynda otadan qalǵan iz bar.
«Ony kórgenderden, júrgen jerin biletinderden 8 (7152) 39-48-37 telefon nómirine nemese «102» pýltine habarlasýdy suraımyz. Qazirgi ýaqytta iz-tússiz ketken jigitti izdestirip jatyrmyz, onyń úıden ketýine esh sebep bolmaǵan. Spırttik ishimdikke salynǵandarǵa qaraǵanda mundaı adamdardy tabý qıyn», - deıdi SQO Polıtsııa departamenti bastyǵynyń orynbasary Rýslan Nazarov.
Jalpy, jıi joǵalatyndardyń biri – maskúnemder. Olar týǵan-týystaryn eskertpeı bótelkelesteriniń úıin jaǵalaıdy eken. Jaqynda tártip saqshylary osyndaı 29 jastaǵy jigittiń júrgen jerin anyqtady. Ol eki apta boıy turaqty mekenjaıy joqtardyń qasynda bolypty.
«Petropavl turǵynynan jaýap aldyq, aryz jazǵan anasyna balasynyń tabylǵanyn jetkizdik. Ókinishke oraı mundaı oqıǵalar jıi bolyp turady. Alaıda olardy tabý jeńil. Kóbine tanystarynyń úıinen nemese jalǵa alynǵan páterden tabylady», - deıdi Rýslan Nazarov.
Jalpy jyl basynan iz-túzsiz ketkender jaıynda 201 aryz tússe, tártip saqshylary sonyń 186-synda joǵalǵandardy bir táýlik ishinde tapqan. 15 jaǵdaıda izdeý operatsııasyna úsheýden artyq kún ketken.
