Petropavlda 27 jastaǵy jigit eki aptadan beri izdestirilýde

PETROPAVL. QazAqparat – Petropavlda 27 jastaǵy Ǵızat Birimjanuly Ysqaqovqa izdeý jarııalandy. Er adam 8 naýryz kúni úıinen shyǵyp ketip, qaıtyp oralmaǵan, dep habarlaıdy QazAqparat tilshisi.

Soltústik Qazaqstan oblysynyń volonterleri 1995 jyly týǵan Ǵızat Ysqaqovtyń joǵalǵandyǵy týraly áleýmettik jelide jarııalady. Aıtýlarynsha, er adam Petropavldaǵy 19-ynshy shaǵynaýdanda, Jýkov kóshesi, 40 úıde turady. 8 naýryzda eshkimdi eskertpesten páterden shyǵyp ketken. Sodan beri habar joq.

Boıy 170 sm, ortasha deneli, qoı kózdi, qysqa qara shashty. Qarnynda tyrtyǵy bar.

Sol kúni ústinde qara tústi sport bas kıimi, qara uzyn kelgen kýrtka, qara-kók tústi trıko, qara krossovka bolǵan.

Ózimen birge jeke kýáligin jáne bank kartasyn alyp ketken.

Ǵızat Ysqaqovty kórgen-bilgender 8 777 307 99 65, 8 926 626 64 33 nemese 102 nómirine habarlasa alady.

Buǵan deıin Petropavldyń 38 jastaǵy turǵyny Nına Dvoretskaıanyń izdestirilip jatqanyn jazǵan edik. Ol jeltoqsan aıynyń aıaǵynda úıinen shyǵyp ketip, eki jarym aıǵa jýyq odan habar bolmady. Volonterler áleýmettik jeli arqyly áıeldiń fotosyn jarııalap, Nınany izdep tabýǵa polıtseılerge kómektesti. Nátıjesinde áıel aman-esen tabylyp, týystarymen qaýyshty.