20:11, 19 Qyrkúıek 2025 | GMT +5
Petropavlda 24 qyrkúıekten bastap jylytý maýsymy bastalady
PETROPAVL. KAZINFORM – Petropavl qalasynyń ákimdigi jańa jylytý maýsymyn bastaý týraly qaýly qabyldady.
Petropavl qalasy ákimi baspasóz qyzmetiniń málimetinshe, 24 qyrkúıekten bastap aldymen áleýmettik nysandarǵa – mektepterge, balabaqshalarǵa, medıtsınalyq mekemelerge jylý beriledi. Budan keıin turǵyn úıler men basqa da uıymdarǵa qosylady.
Qalalyq ákimdik qosylý barysy týraly aqparatty qosymsha habarlamaq.
Esterińizge salaıyq, Petropavlda jylytý maýsymy byltyr 30 qyrkúıekte bastalǵan edi.
Sondaı-aq Petropavl qalasy ákiminiń baspasóz qyzmeti ortalyqtandyrylǵan jylý júıesine qosylý úshin úsh kún qatarynan táýliktik ortasha aýa temperatýrasy +10°S nemese odan tómen deńgeıde bolýy tıis ekenin habarlady.