Petropavlda 2 jasar balany qutqarǵan er adam marapattaldy
PETROPAVL. QazAqparat – Petropavlda polıtseıler balany qutqarý úshin besinshi qabattyń balkonynan bir qabat tómen sekirgen er adamdy marapattady, dep habarlaıdy «QazAqpara» HAA tilshisi.
Polıtsııa departamentiniń baspasóz qyzmetiniń málimetine sáıkes, Petropavl qalasy Polıtsııa basqarmasy basshysynyń mindetin oryndaýshy Nurjan Qojaǵulov Dmıtrıı Zaıtsevke alǵys hat pen qolǵa taǵatyn saǵat syılady.
Eske sala keteıik, eki apta turyn petropavldyq azamat qaıǵyly oqıǵanyń aldyn alǵan edi. Ol balkon arqyly tórtinshi qabatta ornalasqan páterge enip, ashyq terezeniń aldynda turǵan eki jasar balany qutqarǵan.
«Ýaqyt tyǵyz edi. Astyndaǵy adamdar kórpeni jaıyp jiberdi. Ózimniń qaýipsizdigim jaıly múlde oılaǵan joqpyn», - dedi D. Zaıtsev.
Petropavlda bıylǵy jyly kóp qabatty turǵyn úılerdiń terezelerinen qulap, qaza tapqan eki balanyń ólimi tirkeldi.
