Petropavlda 2 jasar bala besinshi qabattan qulap, kóz jumdy
NUR-SULTAN. QazAqparat - 2017 jyly týǵan bala ata-ana qaraýynsyz qalyp qoıǵan, dep habarlaıdy QazAqpara tilshisi Tótenshe jaǵdaılar komıteti baspasóz qyzmetine silteme jasap.
Oqys oqıǵa búgin saǵat 12.35 kezinde tirkelgen.
«Oqıǵa ornyna jetken jedel járdem qyzmetkerleri balanyń jan tapsyrǵanyn habarlady», - delingen habarlamada.
Oqys oqıǵa birinshi ret tirkelip otyrǵan joq. Aı saıyn, tipti apta saıyn ártúrli qalada jas balalardyń terezeden qulap ketkeni týraly jıi habarlanyp júr. Osy sebepti, Tótenshe jaǵdaılar komıtetiniń mamandary bala úıde jalǵyz qalǵan jaǵdaıda terezeni ashyq qaldyrmaýdy eskertedi.
«Oıyn balasyn úıde jalǵyz qaldyrmaǵan abzal. Terezege jaqyn jıhazdy, dıvandy qoımaǵan durys. Sol sekildi, terezege tor ornatqan jón», - delingen komıtettiń habarlamasynda.
